<p class="ql-block"> 雖然嘸沒封城，但勒小區(qū)里“靜默”了兩個月也是蠻憋屈咯！這幾天剛剛可以“活絡(luò)”，急煞勿煞做了兩樁事體：一是，到上海著名景點兜了一圈，領(lǐng)領(lǐng)市面。有幾個地方，講老實閑話，假使嘸沒封禁，我是好幾年勿去了；二是，“偷偷”跑到朋友別墅里去聚會，咪點小老酒，據(jù)說奧密克戎怕酒精。</p><p class="ql-block"> 阿拉這眼老朋友座勒一道，兩個多月嘸沒剃頭，蓬頭垢面，白發(fā)蒼蒼，年輕人看見，客氣一點稱之為“老爺叔”，直白一點就是“這幫老頭”。伊拉勿曉得，老早阿拉自嘲是叫“老浜”，背后撥人家罵一句是“老浜瓜”。當(dāng)然老浜、老頭浜，儕是從老浜瓜引申出來的。老爺叔長面孔，再剃只光啷頭，活脫似像一只“三林塘老浜瓜”。</p><p class="ql-block"> 五十多年前咯大熱天，上海人經(jīng)常吃浜瓜。浜瓜有兩種，上海三林塘浜瓜脫仔湖州崩瓜，兩只品種外形蠻像，而且西瓜皮，外綠內(nèi)白，釀黃，籽黑，甜度高。三林塘浜瓜長幺幺，兩頭尖，紋路淺；湖州崩瓜大一眼，兩頭圓，紋路深。浜瓜買回來，輕輕放勒網(wǎng)線袋吊到井水里，夜飯喫好乘風(fēng)涼咯辰光喫，味道好勒勿得了！</p><p class="ql-block"> 雖然上海閑話里“浜”，“崩”勿分，其實這兩個字用起來還是有區(qū)別咯?！颁骸币馑急容^明確，“河浜”、“拷浜”等，儕搭水有關(guān)，就是“浜瓜”也是因為西瓜靠河浜運輸而得名，瀏河附近有條水路就叫“浜瓜涇”?！氨馈本臀鹨粯恿耍馔?，上海人打相打敲破了頭，就叫乃人家咯頭崩忒了。</p><p class="ql-block"> 網(wǎng)浪相查到《上海蔬菜種類的栽培技術(shù)研究》1994年第一版里有一段描述：“三林崩瓜，通稱三林浜瓜，因皮薄易裂，故名崩瓜。由于上海方言中，崩與浜同音，崩瓜也為浜瓜，古稱崩瓜?！蔽鸸苁侨咒汗希ū拦希€是湖州崩瓜，埃歇辰光阿拉儕叫浜瓜，勒這搭浜與崩是混用咯！</p><p class="ql-block"> 去年一年，屋里兩位長輩相繼離世，本是非常悲痛之事，如今想來確是幸運，這類事情如果發(fā)生在封控期間真是悲慘至極。長輩離去，空位子我坐上去，突然覺著自己老了，似乎人儕是一瞬間變老咯。我從小以為只有外公是老人，我從來不會乃自己咯生命與一個“老”字加勒一道，從來嘸沒顧及過，有朝一日從鏡子里照出來也是一個老頭浜。如今只有拼湊起生活碎片，思考生命中的歸去來兮！</p><p class="ql-block"> 如今有了老頭浜腔調(diào)，剛剛開始相信，生命本身就是一程歲月，一路光陰。無論是青年時代不知疲倦，還是中年時期滿是疲憊，都不曾預(yù)料，只要靜默兩個多月就可以乃一個剛剛六十出頭咯人，變成地地道道咯老浜瓜。生命只不過是一場游戲，一場只能享受過程，無法預(yù)見結(jié)果咯游戲。勒老浜瓜眼里，人生絕不是可以隨意主宰或隨意擺布咯，陽光燦爛、紅塵浪漫經(jīng)不起敲敲打打。天底下沒有不會老去咯生命，老是生命咯回歸，正如花開花謝，秋去冬來，一切儕是隨著一種規(guī)則，相互地交替和演變的。</p><p class="ql-block"> 小赤佬變成了阿毛拉爺，慢慢又多出來幾個爹爹、阿爺……突然間，熱鬧咯馬路撳下了暫停鍵，渾渾噩噩與繽紛多彩，化成了幾個月里咯云煙風(fēng)雨，留給大家刻骨銘心咯記憶！</p><p class="ql-block"> 其實老浜瓜從內(nèi)心來講是勿服帖咯！</p>